Polonia dhe Robert Lewandowski nuk janë kualifikuar në Kampionatin Evropian përmes kualifikimeve të rregullta.
Të premten mbrëma në Varshavë, Polonia luajti vetëm 1:1 me Çekinë. Për Poloninë ishte ndeshja e fundit në kuadër të Grupit E, ku Shqipëria udhëheq me 14 pikë. Çekia është e dyta me 12 pikë dhe vazhdon të mbetet në garë. Ndërkohë Polonia është e treta me 11 pikë dhe nuk mund të kualifikohet. Por mund të ketë një rast përmes plejofit.
Moldavia është e katërta me dhjetë pikë dhe mbetet në garë.
Shqipëria siguroi të premten kualifikimin, pas barazimit me Moldavinë. Bileta e dytë nga Grupi E do të përcaktohet në ndeshjen mes Çekisë dhe Moldavisë, që zhvillohet në Olomouc, të hënën prej orës 20:45.
Në ndeshjen e së premtes, Jakub Piotrowski kaloi në epërsi 1:0 Poloninë në minutën e 38-të. Për 1:1 shënoi Tomash Soucek në minutën e 49-të. Ndeshja ishte dramatike, por gola të tjerë nuk u shënuan.
