West Ham Unitedi ka njoftuar të hënën mbrëma se e ka transferuar Lucas Paquetan nga Lyoni.
Braziliani ka nënshkruar kontratë pesë-vjeçare me mundësi vazhdimi edhe për një vit tjetër. West Hamit i ka kushtuar për shifër rekord, 42.5 milionë euro.
Paqueta ka luajtur për Flamengon e qytetit të lindjes, Milanin në Itali dhe Lyonin në Francë.
“Jam jashtëzakonisht i lumtur që jam këtu. Shpresoj të jetë fillimi i një udhëtimi të këndshëm. Shpresoj që koha ime këtu të jetë e suksesshme. Jam i ngazëllyer që do të vesh fanellën e West Hamit dhe do t’u tregoj tifozëve se çfarë mund të bëj, për të ndihmuar bashkëlojtarët e mi dhe klubin”, tha Paqueta.
Ai do të bart numrin 11-të te skuadra nga Londra.
21 gola dhe 14 asistime në 80 paraqitje gjatë dy sezoneve ishte bilanci i brazilianit me skuadrën e Lyonit.