Leart Paqarada ka pësuar lëndim të rëndë muskulor, që do ta lërë atë jashtë fushës për këtë vit. Lajmi është konfirmuar nga klubi i Koelnit. Futbollisti i Kosovës që luan në krahun e majtë të mbrojtjes, 29-vjeçari Paqarada, u lëndua në ndeshjen e fundit të Koelnit kundër Mainzit që përfundoi pa gola.
Paqarada ka zhvilluar 14 ndeshje në Bundesligë dhe në Kupën e Gjermanisë në edicionin aktual, por nuk ka kontribuuar me gol apo asistim. Ai karrierën e nisi te të rinjtë e Leverkusenit dhe Werder Bremenit, ndërsa ka luajtur për Sandhausenin dhe St. Paulin.
Koelnit iu bashkua në verën e këtij viti dhe po e zhvillon edicionin e parë në elitën e futbollit gjerman.
