Mbështete KOHËN. Ruaje të vërtetën
Sport

Pa fitues në derbin mes Egjiptit e Ganës

Egjipti dhe Gana kanë dhuruar spektakël në ndeshjen e dytë të Grupit B të Kupës së Afrikës. Megjithatë, ky ballafaqim nuk dha fitues. Egjipti e Gana barazuan 2:2.

Mohammed Kudus i Ganës shënoi dy gola. Fillimisht realizoi supergol në minutën e tretë të shtesës në pjesën e parë.

Barazimi erdhi në minutën e 69-të kur realizoi sulmuesi Omar Marmoush.

Kudus dy minuta më pas realizoi sërish për epërsinë e ganezëve, por egjiptianët në minutën e 74-t barazuan shifrat me Mostafa Mohamedin.

Ishte edhe goli i fundit në ndeshje.

Superylli i Egjiptit, Mohamed Salah, u lëndua në fund të pjesës së parë duke detyruar trajnerin për zëvendësim.

Edhe Egjipti kalon në fazën nokaut të Kupës së Kombeve Futboll Egjipti kalon në fazën nokaut të Kupës së Kombeve

Egjipti pas dy ndeshjeve ka dy pikë në vendin e dytë, ndërsa Gana ka një pikë në pozitën e fundit, aq sa ka edhe Përfaqësuesja e Mozambikut në vendin e tretë.

Grupit B i prinë Kepi i Gjelbër me tri pikë.