Alvaro Morata është lojtari që po kërkohet shumë në këtë afat kalimtar të verës, pavarësisht se ai së fundmi vazhdoi kontratën me Atletico Madridin.
30-vjeçari ka zgjuar interesimin e disa klubeve në Itali dhe Arabi Saudite.
Milani ka qenë prej kohësh e interesuar për shërbimet e tij, ndërsa Juventusi, Al Hilali dhe Al Ettifaq po ashtu ishin në garë.
Sipas mediumit “Mundo Deportivo”, skuadra e fundit italiane që dëshiron ta transferojë Moratan është Roma.
Finalistja e Ligës së Evropës, Roma, po e shikon mundësinë e përforcimit të fazës së sulmit.
Jose Mourinho, trajneri i Romës, ka refuzuar të flasë rreth kësaj çështjeje.
Edhe
Roma insiston për Moratan
Atletico Madridi është i hapur që ta shesë Moratan për 20 milionë euro.
Kontrata e tij skadon në verën e vitit të ardhshëm.
Në edicionin e fundit sulmuesi shënoi 15 gola dhe bëri tri asistime në 45 paraqitje në të gjitha garat.
