Saul Niguez karrierën mund ta vazhdojë në Kampionatin italian.
Mesfushori spanjoll është rikthyer te Atletico Madridi, pasi ka përfunduar huazimin e tij te Chelsea.
“Il Tempo” ka bërë të ditur se për shërbimet e lojtarit interesim ka shprehur Roma.
Është trajneri Jose Mourinho që dëshiron ta sjellë në ekip 27-vjeçarin.
Atletico Madridi për ta liruar mesfushorin po kërkon të paktën 40 milionë euro.
Spanjolli ka kontratë me Atleticon deri në vitin 2026.
