Ylli Neymar është titullar te Brazili për ndeshjen çerekfinale ndaj Kroacisë, që nis prej orës 16:00. Neymar do të luajë përkrah Vinicus Juniorit dhe Raphinas, të cilët do ta përkrahin sulmuesin Richarlison që është i vetëm përpara.
Mesfushën para repartit të mbrojtjes te Brazili, do ta përbëjnë dyshja Casemiro dhe Lucas Paqueta, ndërsa në portë është Alisson Becker.
Eder Militao, do ta zëvendësojë në krahun e majtë, Alex Sandron kurse në të djathin do të luajë Danilo.
Në qendër të mbrojtjes, janë Thiago Silva e Marquinhos. Ndaj Brazilit, Kroacia do të paraqitet me sistemin 4-3-3, ku në vijën e sulmit janë Andrej Kramariq në qendër dhe Ivan Perishiq e Mario Pashalliq nga krahët.
Mesfusha përbëhet prej treshes së zakonshme – Luka Modriq, Marcelo Brozoviq, Mateo Kovaçiq – kurse në mbrojtje janë Josip Juranoviq, Dejav Lovren, Joshko Gvardiol e Borna Sosa.
Porta i është besuar Dominik Livakoviqit.
