Zion Williamson shënoi 23 pikë për ta udhëhequr New Orleansin drejt fitores në udhëtim te Los Angeles Clippersi me rezultatin 120:103. Williamsonit në ndihmë i doli edhe Lonzo Ball që ndeshjen e mbylli me 18 pikë, nëntë kërcime e shtatë asistime për New Orleansin që po synon plejofin në Konferencën Perëndimore.
“E kemi parasysh se duhet t’i fitojmë të gjitha 11 ndeshjet e fundit nëse duam të vazhdojmë tutje. Mbrojtja jonë duhet të jetë e mirë edhe në ndeshjet tjera për të na ndihmuar në synimin tonë”, ka thënë Ball.
New Orleansi me mbrojtje të fortë, neutralizoi tërësisht yllin e LA Clippersave, Paul Georgen që u liminua në vetëm nëntë pikë. LA Clippers edhe ndaj New Orleansit ishin pa Kahwi Leonardin, i cili mungoi për ndeshjen e katërt rresht shkaku i lëndimit. Më të dalluarit te LA Clippers ishin Terance Mann e DeMarcus Cousins. Mann shënoi 17 pikë derisa Cousins shtoi 16 pikë e 11 kërcime.