Portieri nga Kosta Rika, Keylor Navas ka humbur vendin e titullarit te madrilenët.
Mesa duket ai i ka orët e numëruara në Madrid. Transferimi i belgut Thibaut Courtois ka bërë që gardiani tjetër i Los Blancos të ulet në stol.
Kjo situatë nuk është pëlqyer aspak nga ana e Navasit, i cili nuk e pranon stolit kjo edhe për faktin se paraqitjet e tij me Realin në sezonet e kaluara ka qenë pozitive, transmeton KP.
Gjithsesi është vetë numri një i stolit të “mbretërorëve”, Santiago Solari, i cili i ka hapur derën portierit nga Kosta Rika. Destinacionet janë të shumta, por më se shumti e ardhmja e Keylor Navasit është e lidhur me Premier Ligën, që përkon edhe me vetë dëshirën e gardianit.
Agjentët e tij janë duke punuar në mënyrë intensive që sa më shpejt në dyert e Realit të Madridit të paraqiten ofertat që mund të vijnë në afatin kalimtar të janarit ose gjatë verës.
