Monaco shumë afër Vidas

Monaco është shumë afër transferimit të qendërmbrojtësit të Beshiktashit, Domagoj Vida.

Sipas “France Football”, drejtuesit e skuadrës nga Principata, kanë filluar kontaktet me skuadrën turke për ta sjellë në kampionatin francez, mbrojtësin e kombëtares kroate, transmeton KTV.

Drejtuesit e skuadrës turke për ta lënë të lirë mbrojtësin e tyre kërkojnë rreth 17 milionë euro, shumë e cila nuk është e paarritshme për skuadrën që garon në kampionatin francez.

Qendërmbrojtësi kroat ishte një nga lojtarët më të dalluar të kroatëve në botëror, ku kombëtarja e tij, e zuri vendin e dytë.