Skuadra e Milanit ka shprehur interesim për sulmuesin belg Divock Origi. Mediumet italiane kanë raportuar të hënën se drejtuesit e Milanit së shpejti do t’i nisin kontaktet me Liverpoolin për Origin, të cilin duan ta transferojnë në “San Siro” gjatë afatit kalimtar të janarit.
Milani është i gatshëm të ofrojë rreth 15 milionë euro për kartonin e 26-vjeçarit, i cili pritet të largohet nga Liverpooli.
Origi ka kontratë me Liverpoolin deri në fund të këtij sezoni, me opsionin e vazhdimit. Këtë sezon, Origi ka shënuar pesë gola dhe ka bërë dy asistime në dhjetë paraqitje në të gjitha garat për Liverpoolin.
