Krerët e Milanit janë në bisedime me Theo Hernandezin, Ismael Bennacerin dhe Rafael Leaon për rinovimin e kontratave.
Të tre futbollistët kanë kontrata me Milanin deri në vitin 2024, por në klub dëshirojnë që ata t’i vazhdojnë kontratat deri në verën e vitit 2026.
“Gazzetta dello Sport” ka thënë se negociatat po shkojnë mirë dhe parimisht palët e kanë arritur marrëveshjen, por që duhet edhe disa detaje përpara se të zyrtarizohen.
Po ashtu, pagat e tyre do të dyfishohen me rinovimin e kontratave. Te Milani, po i shohin këta futbollistë si të rëndësishëm për të ardhmen.
