Bordi i Milanit do të takohet me babanë e futbollistit, Rafael Leao, për të diskutuar për kontratën e re.
“Kemi besim për se do të nënshkruajmë marrëveshje të re”, ka thënë drejtori i Milanit, Frederic Massara, njoftoi gazetari i njohur Fabrizio Romano të martën.
Në ditët e ardhshme, Milani do t’i ofrojë marrëveshje të re sulmuesit portugez, për të cilin kanë shprehur interesim klubet e mëdha evropiane, Manchester United, Chelsea e PSG.
Kontrata aktuale, Leaos i skadon në verën e vitit 2024.
Ai ka klauzolë të lirimit prej 150 milionë eurosh.
23-vjeçari ka shënuar katër gola dhe ka asistuar tetë herë në 13 ndeshje këtë sezon.
