Ish-kampioni i UFC-së, Conor McGregor, do të kthehet në oktogon në muajin janar për duelin e dytë me Dustin Poirierin.
Irlandezi McGregor, 32-vjeçar, u pensionuar në qershor për herën e tretë në katër vjet, transmeton KOHA.
Presidenti i UFC-së, Dana White, ka thënë se nuk është vënë asnjëherë në dyshim se McGregor do të nënshkruante kontratë për meçin e 23 janarit në UFC 257.
“Nëse Conor McGregor thotë se dëshiron të luftojë, ai shfaqet”, i ka thënë White “Barstool Sportsit”.
White po ashtu shpreson se të pranishëm do të jenë dhe tifozët.
McGregori e mposhti Donald Cerrone në ndeshjen e fundit në UFC 246 në janar, që i dha atij rekordin me 22 fitore e 4 disfata në artet marciale të përziera.
Edhe
McGregor thyen këmbën dhe mposhtet nga Poirier
Ai ka thënë në shtator se do të kthehej nga pensionimi për një meç boksi në Lindjen e Mesme, me 41-vjeçarin Manny Pacquiao, ish-kampionin e botës.
McGregori e mposhti amerikanin Poirier, 31-vjeçar, në raundin hapës në takimin e parë mes tyre në Las Vegas në vitin 2014.
Ndërkohë, Poirier së fundmi fitoi kundër Dan Hooker me pikë, në duelin e fundit që e pati në muajin qershor.
