Llapi e ka fituar ndeshjen dramatike dhe të tensionuar me Gjilanin.
Llapi në stadiumin “Zahir Pajaziti” të shtunën fitoi 2:1, në ndeshjen e xhiros së 24-t të Superligës.
Ahmed Januzi në minutën e parë shtesë të pjesës së parë, shënoi për 1:0 me asistim të Ergyn Ahmetit.
Gjyqtari Gramos Shala në pjesën e dytë dha penallti për Gjilanin pas rishikimit të situatës në VAR.
Sulmuesi Senad Jaroviq i barazoi shifrat në minutën e 71-të dhe tani ka katër gola në shtatë paraqitje.
Edhe
Llapi me epërsi të lartë pas pjesës së parë
Më vonë, gjyqtari Shala dha përsëri penallti, por tani për Llapin. Sipas tij, Donaldo Açka luajti me dorë në zonë. Edhe ky rast u rishikua në VAR.
Muhamet Hyseni gaboi nga penalltia e parë në minutën e 88-të, pasi Aridon Bllaca e priti gjuajtjen e tij.
Por, penalltia u përsërit, pasi Bllaca nuk ishte në vijën e portës, ndërsa lojtarë të Gjilanit ishin brenda në zonë pa u gjuajtur penalltia.
Në tentimin e dytë të minutës së 90-të, Hyseni ishte i saktë dhe e shënoi golin e 18-të të edicionit.
Pati shumë protesta nga mysafirët.
Edhe
Llapi fiton, por mbetet në zonën e barazhit
Llapi aktualisht kalon në pozitën e parë me 50 pikë, dy më shumë se Ballkani që ka një ndeshje më pak të luajtur.
Gjilani vazhdon luftën për mbijetesë. Ka 22 pikë në vendin e tetë.
