Gjilani po fiton 2:0 ndaj Llapit pas pjesës së parë

Fitorja e dytë për Gjilanin, humbja e dytë për Llapin

Gjilani e ka shënuar fitoren e dytë radhazi në Superligën e Kosovës. 

Gjilani të dielën në kuadër të xhiros së dytë e mposhti Llapin në stadiumin “Zahir Pajaziti” në Podujevë me rezultatin 2:0. 

Në fitoren e skuadrës gjilanase shkëlqeu Oltion Bilalli i cili i realizoi dy golat e fitores.

Gjilani në xhiron e parë e mposhti Feronikelin 74 me rezultatin 3:1. 

Ndërsa për Llapin ishte disfata e dytë radhazi, pasi që edhe në ndeshjen hapëse të edicionit 2026/27 u mposht nga kampionia e Kosovës, Drita, me rezultatin 5:3. 

Sulmuesi Bilalli golin e parë e realizoi me kokë në minutën e 19-të pas harkimit të Arbër Potokut.

Gol me kokë realizoi edhe në minutën e 41-të për 2:0, pas asistimit të Armend Thaqit. 

Gjilani pas dy ndeshjeve ka gjashtë pikë dhe renditet në pozitën e parë. 

Malisheva në pozitë e dytë e Dukagjini në vendin e tretë kanë nga katër pikë. 

Pasojnë Drita e Prishtina me tri pikë. Derbi i paraparë të luhet mes Prishtinës dhe Dritës është shtyrë për shkak të angazhimit të skuadrës gjilanase në garat evropiane. 

Llapi është pa pikë në pozitën e nëntë.

Gjilani po fiton 2:0 ndaj Llapit pas pjesës së parë

Gjilani është duke udhëhequr 2:0 ndaj Llapit pas pjesës së parë. 

Të dy golat për skuadrën gjilanase i realizoi Oltion Bilalli. 

Bilalli golin e parë e realizoi në minutën e 19-të, kurse golin e dytë e shënoi në minutën e 41-të.  

Është ndeshja e xhiros së dytë të Superligës së Kosovës.

Shënon sërish Bilalli, Gjilani dyfishon shifrat

Oltion Bilalli ka shënuar gol sërish për Gjilanin. 

Gjilani është duke fituar 2:0 ndaj Llapit. 

Bilalli pas harkimit të Armend Thaqit në minutën e 41-të shënoi gol me kokë për golin e dytë të skuadrës gjilanase.

Bilalli e realizoi edhe golin e parë në minutën e 19-të.