Te Liverpooli janë të bindur se këtë verë do ta transferojnë qendërmbrojtësin Antonio Silva nga skuadra e Benficas. “The Sun” raporton të enjten se Liverpooli tashmë ka nisur negociatat me ekipin portugez për ta bindur në lirimin e Silvas në fund të këtij sezoni.
Benfica po kërkon të paktën 80 milionë euro për ta lënë të lirë 19-vjeçarin, ndërsa Liverpooli ka ofruar 60 milionë euro për kartonin e tij. Silva vlerësohet ndër mbrojtësit më perspektivë në Evropë dhe ka kontratë me Benfican deri në verën e vitit 2017.
Ai para fillimit të këtij sezoni është promovuar në ekipin e parë të Benficas, ndërsa i ka edhe tri paraqitje me Portugalinë. Deri më tani, Silva ka regjistruar 42 ndeshje për Benfican në të gjitha garat, ku ka kontribuar edhe me pesë gola të shënuar.