Leny Yoro dëshiron t’i bashkohet Real Madridit në verë. Por Lille kërkon 100 milionë euro për ta liruar mbrojtësin francez, shkruan “Marca”.
Për Yoron interesim ka shprehur edhe skuadra e Chelseat. 18-vjeçari i talentuar ka treguar paraqitje të mira me Lillen këtë edicion.
Qendërmbrojtësi i Shpresave të Francës me Lillen ka kontratë deri në verën e vitit të ardhshëm. Ai ka refuzuar vazhdimin e kontratës, pasi shpreson të luajë për ndonjë skuadër të madhe evropiane.
Yoro ka luajtur 35 ndeshje me fanellën e Lillet në të gjitha garat, ndërsa ka shënuar tri gola.
