Skuadra e Chelseat po vazhdon të ketë probleme me lëndimet e lojtarëve. Pas Romelu Lukakut dhe Timo Wernerit, listës së të lënduarve i është shtuar edhe mesfushori Mateo Kovaçiq.
Lajmi është konfirmuar të premten nga trajneri i Chelseat, Thomas Tuchel.
“Ai u lëndua në seancën e fundit stërvitore dhe nuk do të jetë i gatshëm për disa javë”, deklaroi Tuchel.
27-vjeçari mund të mungojë së paku në tri ndeshje.
Kovaçiq këtë sezon në 13 ndeshje ka shënuar një gol dhe ka bërë pesë asistime.
