Skuadra e Wolfsrbugut ia ka shkaktuar humbjen e tretë këtë edicion Leipzigut në kampionatin e Gjermanisë.
Wolfsburgu, të shtunën triumfoi 2:1 ndaj Leipzigut në kuadër të xhiros së 12-të.
Për Wolfsburgun që ka tubuar 16 pikë, kjo është fitorja e pestë këtë edicion.
Sulmuesi Jonas Wind zhbllokoi rezultatin në minutën e 9-të, duke e kaluar Wolfsburgun në epërsi. Leipzigu reagoi në fillim të pjesës së dytë, kur në minutën e 52-të barazoi shifrat me anë të Yussuf Poulsenit.
Megjithatë, ishte Rogerio, ai që ia siguroi trepikëshin ekipit vendas me golin e realizuar në minutën e 66-të.
