LeBron James u kthye nga lëndimi për të shënuar 26 pikë.
Los Angeles Lakers në duelin e fundit e ndali serinë e tri fitoreve rresht të Cleveland Cavaliers, pasi fitoi me rezultatin 113:101. Për Lakersin ishte fitorja e tretë në katër ndeshje.
Koshashënuesi më i mirë James, i cili mungoi në dy ballafaqimet e fundit shkaku i lëndimit në nyjën e këmbës, në fitore shtoi edhe tetë asistime kundër ish-skuadrës.
Carmelo Anthony shtoi 24 pikë, përfshirë gjashtë trepikësha, për të luajtur rol të rëndësishëm në këtë fitore.
Favoriti për titull, Brooklyn Nets, u kthye në lojë edhe pse pati start të ngadalshëm dhe në fund mposhti skuadrën Indiana Pacers, 105:98.
Netsi e përmbysi disavantazhin e 16 pikëve në çerekun e dytë. James Harden e mbylli takimin me 29 pikë, tetë asistime e tetë kërcime, ndërsa Kevin Durant shtoi 22 pikë.
Edhe
Jamesi rikthehet dhe ndihmon Lakersin në fitore
Në duelet tjera, Toronto Raptors fitoi ndaj Orlando Magic 110:109. Magic ishte duke fituar me 12 pikë dy minuta para fundit dhe e pati mundësinë ta fitonte duelin, por Cole Anthony e humbi gjuajtjen e fundit.
Miami Heat e shënoi fitoren e tretë të njëpasnjëshme pasi ishte më i suksesshëm se Charlotte Hornets dhe fitoi 114:99. Tyler Herro nga banka rezervë shënoi 26 pikë.
Portland Trail Blazers fitoi ndaj Los Angeles Clippers 111:92. Ishte fitorja e dytë rresht për herën e parë këtë edicion. New Orleans Pelicans u mposht nga Sacramento Kings 113:109, kurse Denve Nuggets dominoi në duelin kundër Dallas Mavericks, 106:75
