LeBron James ka shënuar 30 pikë në rikthimin e tij te Los Angeles Lakers, në fitoren 123:118 në shtëpi kundër San Antonio Spurs.
Jamesi realizoi edhe nëntë asistime e shtatë kërcime për Lakersin, pasi mungoi në dy ndeshjet e kaluara për shkak të lëndimit në nyjën e këmbës.
Pavarësisht lëndimit, ai ishte paraqitur në ndeshjen e “All-Starit”.
Anthony Davis shtoi 28 pikë e 13 kërcime në fitore.
Lakersi tani ka 31 fitore e 27 humbje.
Edhe
Rekordit 18-vjeçar të Jamesit i vjen fundi
Victor Wembanyama pati 27 pikë, 10 kërcime e tetë asistime, si dhe shtoi edhe pesë bllokada e pesë topa të vjedhur për skuadrën e Spursit.
Wembanyama u bë basketbollisti më i ri në histori të ligës NBA në statistikën “5x5”, ku përfshihen të paktën pesë pikë, kërcime, asistime, bllokada dhe topa të vjedhur brenda një ndeshjeje.
Denver Nuggets, kampioni në fuqi i ligës NBA, fitoi sërish në Portland Trail Blazers, teksa Tyrese Maxey realizoi 24 pikë në fitoren e Philadelphia 76ers 104:97 në Cleveland Cavaliers.
Cavaliers tani ka 36 fitore e 19 humbje, ndërsa e pësoi disfatën e dytë rresht dhe të tretën në katër ndeshjet e fundit në udhëtim te 76ers.
Giannis Antetokounmpo shënoi 33 pikë dhe shtoi 13 kërcime në fitoren e Milwaukee Bucks ndaj Minnesota Timberwolvesit, 112:107.
Edhe
Golden State Warriorsi fiton ndaj Lakersit me shkëlqimin e Curryt
Timberwolves kryeson në Konferencën e Perëndimit me 39 fitore e 17 humbje.
Ndërkohë, Golden State Warriors fitoi 97:84 ndaj Charlotte Hornets, kurse Stephen Curry realizoi 15 pikë.
Kevin Durant realizoi 28 pikë, por nuk ishin të mjaftueshme për Phoenix Sunsin, që pësoi disfatë 114:110 nga Houston Rockets.
Ylli i Miami Heatit, Jimmy Butler, ishte një prej katër basketbollistëve të përjashtuar pas përleshjes e tollovisë së madhe në fitoren 106:95 ndaj New Orleans Pelicans.
Butler realizoi 23 pikë para se të dërgohej në dhomat e zhveshjes në çerekun e katërt, bashkë me rezervistin e Miamit, Thomas Bryant, dhe lojtarët e Pelicans, Jose Alvarado dhe Naji Marshall.
Edhe
Lakersi me shumë lëndime humb nga Milwaukee Bucks
Bam Adebayo pati 24 pikë, ndërsa Miami tani ka 31 fitore e 25 humbje, aq sa ka edhe Orlando Magic.
