Pas Interit edhe Lazio është futur në garë për shërbimet e mesfushorit Piotr Zielinski, shkruan “Calciomercato” të premten.
Thuhet se Lazio është gati të ofrojë deri në 20 milionë euro për transferimin e tij në verë, pasi polaku pëlqehet shumë nga trajneri Maurizio Sarri.
Zielinski mund të largohet nga Napoli në fund të sezonit, pasi ende nuk ka arritur marrëveshje për rinovimin e kontratës që i skadon vitin tjetër.
Ai nuk është i kënaqur me kushtet e ofruara dhe tashmë ka paralajmëruar largimin, duke tërhequr interesimin e skuadrave të tjera.
28-vjeçari ka 7 gola e 10 asistime këtë sezon për Napolin, ndërsa në futbollin italian luan prej vitit 2012.
Para se t’i bashkohet Napolit, ai karrierë ka bërë edhe tek Udinese e Empoli.
Artikuj të ngjashëm