Basketbollistet e Kosovës e kanë mbyllur me humbje të thellë Kampionatin Evropian të Divizionit C për grupmoshën U18.
Të dielën në Durrës, Kosova U18 pësoi nga Qiproja me rezultatin 85:54. Ndeshja ishte e vlefshme për plasman prej pozitës pesë deri në pozitën shtatë.
Qipriotet nisën ndeshjen mirë dhe çerekun e parë e fituan me rezultat 24:12. Ato dominuan plotësisht në çerekun e dytë, në të cilin Kosovës ia lejuan vetëm gjashtë pikë. Ndërkohë i shënuan 24. Kështu pjesa e dytë ishte më shumë formalitet. Qiproja e mbajti epërsinë e lartë, ndërsa Kosova nuk ia doli të afrohet në rezultat.
Merisa Billalli u dallua te Kosova me nëntë pikë e pesë kërcime. Klesta Shatri i kishte gjashtë pikë e katër kërcime, ndërsa Tia Tuhina i realizoi tetë pikë e katër kërcime. Malvina Haziri i kishte 11 pikë e gjashtë asistime, por kishte edhe shumë gjuajtje të pasakta.
Kosova U18 e ka përfunduar Evropianin e Divizionit C në pozitën e gjashtë, përkatësisht të parafundit. Prapa la vetëm Moldavinë, ndaj së cilës fitoi në fazën grupore me rezultat 85:61.
Edhe
Dy fitore e katër humbje për Kosovën U18 në Evropianin C
Kosova fillimisht pësoi 63:45 nga Shqipëria. Ndeshjen e dytë e humbi edhe më bindshëm, 73:48, nga Armenia.
Divizioni C është niveli i tretë i kampionateve evropiane për basketbollistet deri në 18 vjet. Është edhe niveli i fundit, ku paraqiten përfaqësueset më të dobëta evropiane që vendosin për pjesëmarrje. Dhe Kosova shfaqi fare pak në këtë konkurrencë.
