Në garat evropiane do të luajnë sivjet tetë klube shqiptare, të cilat nisin garën mjaft herët në këto kompeticione.
Feronikeli, Partizani, e Shkëndija do të garojnë në Ligën e Kampionëve, derisa në Ligën e Evropës luajnë pesë skuadra shqiptare: Prishtina, Teuta, Shkupi, Laçi e Kukësi.
Shorti i hedhur sot në Nyon i ka vënë short shumë të vështirë Partizanit në raundin e parë kualifikues në Ligën e Kampionëve duke e vendosur përballë klubit nga Azerbajxhanit, Qarabagut.
Derisa Shkëndija ka short më të lehtë pasi në këtë fazë luan ndaj klubit estonez, Nomme Kalju.
Në anën tjetër kampioni i Kosovës, Feronikeli do të luajë ndaj klubit uellsian New Saints, nëse arrin ta kalojë fazën paraeliminatore ndaj Lincoln Red Imps nga Gjibraltari dhe Tre Penne i San Marinos e Santa Colomas së Andorrës.
Fazë paraeliminatore do të ketë edhe Prishtina në Ligën e Evropës që luan ndaj St Joseph të Gjibraltarit, dhe nëse e kalon këtë pengesë do të përballet me gjigantin skocez Rangers, të udhëhequr nga legjenda e Liverpoolit, Steven Gerrard.
Edhe
Tetë si asnjë, ekipet shqiptare dështojnë në Evropë
Teuta do të përballet me FK Ventspils nga Letonia, derisa Shkupi luan ndaj klubit armen FC Pyunik.
Në anën tjetër Laçi luan ndaj Hapoel Beer-Sheva nga Izraeli. Kurse Kukësi luan ndaj klubit hungarez Debrecen.
