KF Barazia: Një klub i vogël me angazhim të madh

Bëni një shëtitje përreth qytetit piktoresk Lewes në Angli dhe shpejt do të vini re njoftimet e vëna në dritaret e dyqaneve dhe shtëpive për ndeshjen e ardhshme të klubit lokal të futbollit. 

Figura kryesore në këtë njoftim nuk është ndonjë futbollist apo trajneri, por Emmeline Pankhurst, e cila me aktivitetin e saj politik në fillim të shekullit XX ka ndihmuar gratë që të fitojnë të drejtën e votës në Britaninë e Madhe, shkruan sot Koha Ditore.

Letrat e formatit A4 po paralajmëronin ndeshjen që Lewes FC do ta luajë në udhëtim kundër Manchester Unitedit në kuadër të kampionatit anglez të femrave, kategoria e dytë. Lewes, një qytet tregtar dhe me popullsi prej 17 mijë banorësh, krenohet me ekipet e futbollit, atë profesional të femrave dhe gjysmëprofesional të meshkujve. Te kjo skuadër zyrtarët krenohen se pagat e futbollistëve dhe të futbollisteve janë të njëjta, pavarësisht se luajnë në rangje të ndryshme. 

E gjithë kjo barazi nisi me fushatën e para dy vjetëve dhe u quajt Equality FC (Klubi i Futbollit Barazia). 

“Në klubin tonë nuk ka dallime, si meshkujt ashtu edhe femrat janë të barabartë. Kur e them këtë mendoj edhe për pagat, të cilat janë të njëjta”, insiston trajneri Fran Alonso.

(Artikullin e plotë mund ta lexoni sot në “E Diela me Koha Ditore”)