Kapitenia e Kanadasë, Marie-Philip Puolin ishte më e merituara për medaljen e artë të ekipit të hokejit.
Poulin shënoi dy herë për t’ia siguruar Kanadasë fitoren përballë SHBA-së me rezultatin 3:2 në finalen e hokejit të femrave në Lojërat Olimpike Dimërore.
Me këtë triumf, Kanadaja iu hakmor SHBA-së për humbjen që ua shkaktoi në finalen e Olimpiadës së mbajtur në Pyeongchang para katër vjetësh.
Merita për këtë sukses të Kanadasë kanë edhe portieria Ann-Renee Desbiens që ndali 38 gjuajtje ndërsa Sarah Nurse shënoi golin tjetër dhe pati një asistim.
Kanadaja ka dominuar plotësisht në turneun e Pekinit pasi në shtatë ndeshje të luajtura në total në këto Lojëra ka regjistruar po aq fitore.
Kjo është medalja e pestë e artë për kanadezet në shtatë turnetë e fundit olimpik.
