Krerët e Juventusit kanë bërë edhe një tentim të fundit për ta bindur mesfushorin Adrien Rabiot që mos të largohet nga Torino. “Tuttosport” ka njoftuar të mërkurën se Juventusi i ka ofruar francezit rinovimin e kontratës që i skadon në fund të këtij muaji.
Me rinovimin e kontratës, Rabiot do të mbetej te Juventusi deri në vitin e ardhshëm dhe do të kishte pagë vjetore deri në 9 milionë euro.
Te Juventusi po duan ta mbajnë me çdo kusht 28-vjeçarin pas paraqitjeve të mira që i tregoi në edicionin e fundit.
Ai ishte prej lojtarëve kyç të Juventusit, pasi shënoi 11 gola dhe asistoi 6 herë në të gjitha garat.
Rabiot është pjesë e Juventusit prej vitit 2019 kur iu bashkua si lojtar i lirë nga PSG-ja.
Artikuj të ngjashëm