Ekipi nga Serie A, Juventusi po konsiderohet favorit për transferimin e mesfushorit Paul Pogba ka shkruar “Football-Italia”.
Pogba pritet të largohet nga Manchester Unitedi në fund të këtij edicioni kur edhe i skadon kontrata dhe gjasat janë të mëdha që të kthehet në Torino. Te Juventusi tashmë i kanë ofruar Pogbas kontratë katërvjeçare dhe francezi është duke e shqyrtuar. Krahas Juventusit, interesim për Pogban kanë treguar edhe Paris Saint-Germaini e Real Madridi.
29-vjeçari në vitin 2016 iu bashkua Unitedit nga Juventusi, kurse këtë sezon për ekipin anglez ka regjistruar 26 paraqitje duke shënuar një gol dhe asistuar nëntë herë.