Italia nuk ka lejuar befasi në ndeshjen ndaj Maqedonisë së Veriut. Ka fituar 5:2, të premten mbrëma në Romë.
Federico Chiesa i shënoi dy gola për Italinë, ndërsa nga një e realizuan Matteo Darmian, Giacomo Raspadori e Strephan El Shaarawy.
Të dy golat për Maqedoninë e Veriut i shënoi Jani Atanasov.
Italia është e dytë në Grupin C të kualifikimeve për Euro 2024. I ka 13 pikë, sa edhe Ukraina në vendin e tretë. Maqedonia e Veriut mbetet me shtatë pikë në vendin e katërt.
Nga ky grup tashmë është kualifikuar Anglia, që ka 19 pikë.
Ukraina e Italia luajnë të hënën ndeshje vendimtare për vendin e dytë në grup dhe kualifikimin në Evropian. Ndeshja do të luhet në Leverkusen të Gjermanisë prej orës 20:45.
Arijan Ademi,Enis Bardhi, Ezgjan Alioski, Visar Musliu dhe Agon Elezi startuan te Maqedonia e Veriut. Luajti edhe Isnik Alimi.
