Ish-trajneri i Lecces, Roberto D’Aversa, është suspenduar me katër ndeshje, të martën, për shkak se e qëlloi me kokë një futbollist të skuadrës rivale.
Kjo bëri që ai të shkarkohej nga skuadra e Serie A.
Pas humbjes 1:0 nga Hellas Verona, D’Aversa shkoi për të intervenuar në debatin mes sulmuesit të Veronas, Thomas Henryt, dhe mbrojtësit të Lecces, Marin Pongraçiq. Megjithatë, përfundoi duke e goditur me kokë Henryn.
D’Aversa kërkoi falje për incidentin më vonë, ndërsa është dënuar edhe me 10 mijë euro.
D’Aversa më herët e ka drejtuar edhe Parman dhe Sampdorian, ndërsa në krye të Lecces ishte prej muajit qershor.
