Trajneri kroat i Union Berlinit, Nenad Bjelica, është suspenduar për tri ndeshje të enjten, një ditë pasi u ndëshkua me karton të kuq pasi e qëlloi në fytyrë sulmuesin e Bayern Munichut, Leroy Sane.
Bjelica pati dy kontakte në fytyrën e Sanes.
Nenad Bjelica ? Sane pic.twitter.com/36SV4ycvUq
— Epic Red Cards (@epicredcards) January 25, 2024
Sulmuesi i Bayern Munichut kërkoi topin nga ai për ta ekzekutuar një rivënie anësore dhe aty nisi gjithçka.
Bayerni në fund e fitoi 1:0 ndeshjen kundër Union Berlinit.
Bjelica nuk do të jetë pranë skuadrës për ndeshjet e Bundesligës ndaj Darmstadtit, Leipzigut dhe Mainzit.
Ai po ashtu është gjobitur me 25 mijë euro, ka shkruar Federata e Futbollit e Gjermanisë të enjten në komunikatë.
Bjelica në krye të Union Berlinit u zyrtarizua në muajin nëntor.
Skuadra që ai drejton zë vendin e 15-të në Bundesligë.