Koreja e Veriut nuk do të marrë pjesë në Lojërat Olimpike Dimërore, të cilat do të organizohen vitin e ardhshëm në Pekin. Ky është vendimi qe ka marrë Komiteti Olimpik Ndërkombëtar (IOC) të mërkurën.
Presidenti i IOC-së, Thomas Bach në një konferencë për media u shpreh: “Komiteti Olimpik Kombëtar i Republikës Demokratike Popullore të Koresë, do të pezullohet deri në fund të vitit 2022 si rezultat i vendimit të njëanshëm për të mos marrë pjesë në Lojërat Olimpike Tokio 2020”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoVendi komunist zgjodhi të mos i dërgonte atletët e tij në Lojërat Verore për shkak të frikës nga situata e pandemisë së Covid-19.
Koreja e Veriut ishte shteti i vetëm në botë që nuk dërgoi asnjë prej atletëve të saj në Lojërat Olimpike Tokio 2020.
Komiteti Olimpik Ndërkombëtar i ka ofruar zgjidhje të ndryshme Koresë së Veriut.
Një ndër to ishte ndihma me vaksinat kundër koronavirusit. Këto ndihma janë refuzuar vazhdimisht nga zyrtarë olimpikë të Koresë së Veriut.