Drejtuesit e Interit janë të gatshëm ta rikthejnë sulmuesin Romelu Lukaku pas vetëm një viti te Chelsea. Megjithatë, Interi po e kërkon vetëm huazimin e belgut për një vit pa detyrim të blerjes së kartonit të tij.
Kështu, ka shkruar “Gazzetta dello Sport”. Lukaku pritet të largohet nga Chelsea në verë për shkak se nuk ka bindur me paraqitjet te ekipi londinez dhe nuk i ka raportet e mira me trajnerin Thomas Tuchel.
Sulmuesi 28-vjeçar ka shënuar 12 gola për Chelsean, ekip me të cilin ka kontratë deri në vitin 2026.
