Sulmuesi Alexis Sanchez nuk do të jetë pjesë e Interit pas përfundimit të sezonit aktual.
“Gazzetta dello Sport” shkruan të martën se Interi është i gatshëm t’ia shkëpusë kontratën kilianit në rast se nuk gjen blerës për të gjatë verës.
Sanchez ka kontratë me Interin deri në vitin e ardhshëm, por nuk bën pjesë në planet e trajnerit Simone Inzaghi.
33-vjeçari në 31 ndeshje në të gjitha garat këtë sezon, ka shtatë gola e pesë asistime. Ai është pjesë e Interit prej vitit 2019 kur iu bashkua nga Manchester Unitedi.
