Përfaqësuesja e Kosovës në hendboll e ka fituar miqësoren e dytë me Emiratet e Bashkuara Arabe. Të shtunën në Shkup, Kosova fitoi me rezultat 24:23.
Golin e fitores Kosova e shënoi në sekondat e fundit. Sipas njoftimit të FHK-së, Kosova ka udhëhequr gjatë gjithë ndeshjet, por në fund Emiratet barazuan disa herë rezultatin.
Të premten, Kosova kishte humbur 26:23 nga Emiratet e Bashkuara Arabe.
Javën e ardhshme Kosova luan ndeshje kualifikuese me Britaninë e Madhe. Ndeshjet i takojnë raundit promovues të kualifikimeve për Euro 2026.
