Hamilton shpreson ta shënojë garën jubilare në F1 me fitoren e parë të sezonit

Piloti i skuderisë së Mercedesit, Lewis Hamilton, hyn në garën e tij të 300-të në Formula 1, që mbahet në Paris, të dielën, nga një pozicion i pazakontë. Ai është në kërkim të fitores së parë këtë edicion. Shtatë herë kampioni i botës, ka një rekord prej 103 fitoresh në F1 dhe “pole position”. Piloti 37-vjeçar britanik ndan gjithashtu dy rekorde me shokun e tij të madh, Michael Schumacher: shtatë tituj botërorë dhe fitimin e të paktën një gare për 15 sezone radhazi. Ecuria e Schumacherit ishte nga debutimi i tij në F1 në vitin 1992 deri në vitin 2006, ndërsa e Hamiltonit që nga sezoni i tij i parë më 2007. Por Hamilton është pa fitore në 12 gara në këtë sezon. Ai po afrohet më shumë drejt Çmimit të Madh të Francës të kësaj fundjave, pas tre podiumeve radhazi, që kur Mercedesi i zgjidhi problemet e vazhdueshme me kërcimi.

“Ka qenë vërtet pozitive të kemi një kthim të qëndrueshmërisë. Ne po shtojmë vazhdimisht performancën, po përparojmë vazhdimisht dhe ka edhe shumë për të ardhur”, tha Hamilton. “Në garën e fundit në Austri ne ishim vetëm disa të qindta e sekondës nga djemtë kryesorë në kualifikime”.

Hamilton zgjodhi fitoren e tij të parë në F1 në vitin 2007, titullin e tij të parë në vitin 2008 dhe fitoren në pistën e tij në shtëpi në Silverstone, si kujtime të shquara mes shumë njerëzve.

“I gjithë realizimi i arritjes së ëndrrës sime është një përvojë që nuk do ta harrojë kurrë. Unë kisha një synim dhe e arrita atë”, tha Hamilton. “Tani kam një synim tjetër, fitoren e parë, dhe jam optimist se do ta realizoj të dielën”.

Hamiltoni ka pasur rivalitet intensiv sezonin e kaluar, ylli i Red Bullit, Max Verstappen, fitoi titullin në rrethana të diskutueshme në Abu Dhabi, garë që përfundon sezonin. Një humbje e hidhur ndaj shokut të skuadrës së Mercedesit, Nico Rosberg, në vitin 2016 dhe disa grindje me Fernando Alonson në vitin 2007 me McLarenin. Kur Hamilton u përball me Alonson, spanjolli kishte fituar tashmë dy titujt e tij në F1.

“Pa ritëm të pastër, unë gjithmonë them se është Fernando ishte kundërshtari më i vështirë. Ne patëm disa beteja të mira, do të doja të kishim më shumë”, tha Hamilton. “Mbaj mend detyrën për të qenë përkrah Fernandos kur isha 22 vjeç. Isha shumë i ri mendërisht dhe sigurisht, në rregull për sa u përket aftësive, por është shumë presion për të dalë kundër një të shkëlqyeri”.

Alonso është dakord me këtë konstatim të Hamiltonit.

“Ai ka qenë një shofer i jashtëzakonshëm dhe një legjendë. Në atë kohë ndoshta askush nuk e kishte menduar se dikush do të jetë në gjendje të fitojë shtatë tituj si Michaeli”, tha Alonso. “E uroj Hamilton për garën e 300-të në F1 dhe shpresoj në një fitore të tij së shpejti”.

Hamilton ishte në stërvitjen e parë të tij në shtegun e Parisit të premten, me pilotin testues dhe rezervë Nyck de Vries, që zuri vendin e tij vetëm për atë rreth. Mick Schumacher është në kërcënim serioz për Çmimin e Madh të Parisit. Pas 31 garash pa shënuar pikë, ai synon një përfundim të tretë radhazi të një gare. 23-vjeçari gjerman ndien se presioni është ngritur mes një sezoni të vështirë. Mënyra se si ai u përplas pa presion në Monaco në maj çoi në disa kritika nga drejtori i ekipit të Haasit, Guenther Steiner.

Humbja e formës së Schumacherit çoi gjithashtu në pyetje në lidhje me të ardhmen e tij në F1. Ai u përgjigj duke u renditur i teti në garën për Çmimin e Madh të Britanisë dhe i gjashti në Austri dy javë më parë. Ai tregoi besim të shtuar në të dy garat, duke ecur me guxim dhe duke sfiduar kampionin botëror Max Verstappenin, si dhe Hamiltonin. Schumacher ndihet më rehat në bolid tani sesa në fillim të sezonit.

“Është vetëm një çështje kohe përpara se të marr pikët e para”, pranoi Schumacher.

Katër herë kampioni i F1, Sebastian Vettel, një mik i familjes, ishte duke vozitur pas Schumacherit në Silverstone dhe e brohoriti atë ndërsa vija e finishit po afrohej.

“Unë mendoj se Mick është në rrugën e duhur . Është mirë për të që të tregojë se sa është i aftë”, tha Vettel. “Ai pati një fillim të pafat të sezonit”.

Vettel duket se dëshiron të zgjasë qëndrimin e tij te skuderia Aston Martin. Kontrata e tij përfundon në fund të vitit dhe, me një angazhim në rritje ndaj çështjeve mjedisore që rëndojnë në mendjen e tij, vëzhguesit kanë vënë në dyshim nëse ai do të vazhdojë.

“Unë mendoj se ka një qëllim të qartë për të vazhduar dhe ne do të shohim së shpejti se ku do të qëndrojmë”, tha Vettel. “Unë jam duke folur me ekipin”.

Piloti 35-vjeçar gjerman ka vetëm tre përfundime në top 10 këtë sezon me vendin më të mirë të gjashtë në Azerbajxhan. Ai qeshi me thashethemet që e lidhin atë me një kalim te McLareni sezonin e ardhshëm, me të ardhmen e Daniel Ricciardos të pasigurt.

“Unë mendoj se Lando ka një kontratë”, tha Vettel. “Janë thjesht thashetheme”.

Gara për Çmimin e Madh të Francës dhe ajo për atë të Belgjikës thuhet se janë në kërcënim për t’u zëvendësuar nga drejtuesit e Formula 1 për sezonin e ardhshëm. Kështu që, Hamilton po synon triumfin në Francë për ta festuar paraqitjen e tij jubilare, të 300-të në F1.