-
Nga:
Arsim Maxhera
- 7 prill 2019 10:28
- Shpërndaje në:
Arijanet Muriq e Samir Ujkani janë portierët e parë të Kosovës. Muriq nuk i ndahet stolit në ndeshje kampionale të Manchester Cityt, ndërsa Samir Ujkani nuk është fare në planet e skuadrës turke Rizespor.
Kosova megjithatë e ka një portier që po qëndron mes shtyllave në ndeshje të skuadrës të një lige të respektuar evropiane. Bëhet fjalë për Betim Halimin, 23-vjeçari nga Pozherani, që tani është pjesë e skuadrës së kampionatit ukrainas Olimpik Donetsk.
Halimi është i vetmi portier kosovar që së fundi po aktivizohet në ndonjë ligë elitare evropiane, nëse këtu nuk përfshihet Etrit Berisha që përfaqëson Shqipërinë, shkruan sot Koha Ditore.
Ai nuk është pjesë e përfaqësueses së Kosovës, ndërsa ka të kaluar si portier rezervë te përfaqësuesja U-21. Tek U-21 ishte kryesisht rezervist i Visar Bekajt, portieri i tretë i Kosovës, që te Prishtina është i pazëvendësueshëm.
Në fund të shkurtit, shtatlarti Halimi firmosi me Olimpik Donetskun. Prej atëherë Olimpiku ka luajtur tri ndeshje kampionale. Ka pësuar dy humbje dhe ka marrë një barazim 1:1.
Edhe
Betim Halimi zyrtarizohet te Prishtina
Halimi në përgjithësi ka pranuar katër gola, por është vlerësuar shumë lart për paraqitjet. Aq është vlerësuar aq sa tifozët e kanë zgjedhur si lojtar të muajit mars tek Olimpiku.
(Artikullin e plotë mund ta lexoni sot në “E Diela me Koha Ditore”)
