Granit Shala pritet të boksojë kundër britanikut Daniel Dubois për titullin e Evropës, EBU, në kategorinë e rëndë në boks.
Unioni Evropian i Boksit (EBU) ka caktuar Shalën si sfidues të Duboisit për titullin vakant të kategorisë së rëndë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas uebfaqes së EBU-së, ekipet kanë kohë deri më 19 shkurt të dakordohen për kushtet e meçit. Nëse nuk arrihet dakordim atëherë do të mbahet më 19 shkurt një përballje ofertash.
Shala 27-vjeçar zhvillon karrierën në Gjermani. Ai është pjesë e kompanisë promovuese “AGON Sports”.
I ka fituar 15 meçet e deritashme në boksin profesionist, pesë prej tyre me nokaut.
Daniel Dubois 26-vjeçar i ka fituar 20 meçe në boksin profesionist, prej tyre 19 me nokaut dhe i ka pësuar dy humbje.
Ai ishte kampioni i rregullt në versionin WBA, ndërsa në gusht të vitit të kaluar boksoi me Oleksandr Usyk për titujt IBF, IBO, WBA dhe WBO në peshën e rëndë, meç të cilin e humbi me nokaut në rundin e nëntë.
Ai së fundi boksoi në Arabi Saudite në gusht të vitit të kaluar, duke e nokautuar në rundin e dhjetë amerikanin Jarrell Miller.
“Unë gjithmonë e kam pasur synim të matem me më të mirët dhe Daniel Dubois sigurisht se është në elitën botërore. Mezi po pres këtë përballje, që është më e madhja deri tash në karrierën time dhe do të bëjmë çdo gjë më ekipin tim, që të mos e lejojmë ‘Dynamite’ Duboisin të shpërthejë dhe të sjellim fitoren te AGON-i”, ka thënë Shala, transmeton “Boxen1”.