Portugalia ka shënuar fitore shumë të thellë ndaj Luksemburgut në kuadër të Grupit J kualifikues për “Euro 2024”.
Portugezët të hënën mbrëma fituan 9:0. Ishte fitorja e gjashtë në po aq ndeshje të luajtura për Portugalinë në këto kualifikuese. Gonçalo Inacio, Gonçalo Ramos e Diogo Jota shënuan nga dy gola për Portugalinë, ndërsa me nga një gol kontribuuan Ricardo Horta, Bruno Fernandes dhe Joao Felix, që shënoi gol të bukur.
Portualia në vendin e parë ka 18 pikë, pesë më shumë se Sllovakia në vendin e dytë. Luksemburgu i treti ka 10 pikë. Nga gjashtë pikë në pozitën e katërt dhe të pestë kanë Bosnjë-Hercegovina dhe Islanda, ndërsa në pozitën e fundit është Lihtenshtajni, pa pikë.
