Lazio ka shënuar fitore të thellë të dielën. Në kuadër të Serie A, skuadra nga Roma fitoi 4:0 ndaj Spezias.
Mattia Zaccagni shënoi për 1:0 në minutën e 12-të, ndërsa për 2:0 shënoi Alessio Romagnoli në minutën e 24-t. Dy gola të tjerë për Lazion i shënoi Sergej Milinkoviq-Saviq. Elseid Hysaj asistoi në golin e fundit të shënuar në minutën e 91-të.
Hysaj luajti prej minutës së 64-t. Ndeshja i ka takuar xhiros së tetë të kampionatit italian. Lazio është në pjesën e epërme të tabelës me 17 pikë. Spezia ka tetë pikë dhe mban pozitë në mesin e tabelës.
