Skuadra e Dritës ka konfirmuar se ndeshja derbi ndaj Gjilanit, do të zhvillohet ashtu siç ishte planifikuar.
Nëpërmjet një njoftimi, Drita ka shkruar se pjesa e dëmtuar e fushës me bari sintetik, do të riparohet me ndihmën e Federatës së Futbollit të Kosovës (FFK).
Thuhet se tashmë FFK-ja ka dërguar një ekip për riparimin e pjesës së dëmtuar, në mënyrë që ndeshje të luhet sipas programit.
Dueli mes Dritës dhe Gjilanit, do të luhet prej orës 15:00 dhe është derbi i xhiros së shtatë në Superligën e Kosovës në futboll.
