Thomas Tuchel ka thënë se Christian Pulishiq është kthyer te Chelsea këtë javë me paterica, por trajneri beson se futbollisti i krahut do të mungojë vetëm 10 ditë.
Pulishiq e dëmtoi rëndë nyjën e këmbës në fitoren e SHBA-së kundër Hondurasit 4:1, në kuadër të kualifikimeve për Botërorin e vitit të ardhshëm.
Ai e la fushën në minutën e 62-të.
22-vjeçari do të mungojë kundër Aston Villas në Premier League të shtunën dhe në Ligën e Kampionëve kundër Zenitit të martën.
“Për fat të keq, ai të enjten erdhi me paterica dhe ka një lëndim në nyjën e këmbës që do ta lë atë jashtë për 10 ditë”, ka konfirmuar Tuchel.
Problem me nyje të këmbës ka edhe N’Golo Kante. Kante nuk ishte as pjesë e Francës në këtë muaj për ndeshje kualifikuese të Botërorit. Por, ai ka gjasa që të luajë kundër Zenitit.
