Skuadrat që rrugës kanë humbur hapin për titull takohen të shtunën ndërmjet vete, për t'u lënë vend ndeshjeve të skuadrave pretendente, të dielën, shkruan sot Koha Ditore.
Gjilani - Trepça '89 dhe Ferronikeli - Liria janë ndeshjet e së shtunës që i takojnë javës së 28-të të Vala Superligës së Kosovës në futboll. Të gjitha këto në një fazë të kampionatit janë llogaritur kandidate për titull.
89-shi e Liria i kanë nga 43 pikë në vendet katër e pesë, Ferronikeli i ka 41 pikë në vendin e gjashtë dhe Gjilani 40 në vend të shtatë.
Kështu ndeshjet ndërmjet tyre më shumë do të shërbejnë për të hequr brengat e rënies në zonën e barazhit se për t'iu afruar titullit, ndonëse matematikisht të gjitha janë në "lojë" për titull. (Më gjerësisht mund të lexoni sot në Koha Ditore).
