Mbështete KOHËN. Ruaje të vërtetën
Sport

Derbi Barcelona – Atletico zhvillohet të dielën

Xavi

Liderja e La Ligës, Barcelona, do të jetë nikoqire e Atletico Madridit të dielën në “Camp Nou”.

Ndeshja derbi mes këtyre dy skuadrave do të luhet të dielën në orën 16:15 dhe i takon xhiros së 30-të të elitës së futbollit spanjoll.

Barcelona prin në tabelë me 73 pikë, 11-të më shumë se Real Madridi i vendit të dytë.

Atletico Madridi është i treti me 60 pikë.

Barcelona ka luajtur pa gola në dy ndeshjet e fundit, kundër Gironas e Getafes, dhe i duhet patjetër rezultati pozitiv në këtë duel për të vazhduar sigurt drejt titullit. “Blaugrana” është e fokusuar vetëm në ligë pas eliminimit nga garat evropiane, por edhe nga Kupa e Mbretit më herët në muajin prill.

Edhe Atletico – Barcelona, derbi i madh i La Ligas Futboll Atletico – Barcelona, derbi i madh i La Ligas

Sulmuesi i Barcelonës, Robert Lewandowski, ka shënuar vetëm dy gola në shtatë ndeshjet e fundit në të gjitha garat, dhe që të dyja i realizoi ndaj skuadrës së vendit të fundit, Elches.

Mungesa e golave të polakut ka bërë që Barcelona të barazojë dy herë pa gola, për herë të parë që prej vitit 2005.

Megjithatë, trajneri Xavi Hernandez e ka besimin e plotë në Lewandowskin.

Ai ka thënë se Lewandowski, që është golashënuesi më i mirë i ligës me 17 gola, do të rikthehet sërish në listën e shënuesve.

Atletico Madridi aktualisht është skuadra më në formë në La Liga.

Pas përfundimit të Kupës së Botës me Antoine Griezmannin është afruar shumë në ligë.

Edhe Atletico – Barcelona, derbi i fundjavës në La Liga Sport Atletico – Barcelona, derbi i fundjavës në La Liga

Francezi ka impresionuar me statistika.

Ka shënuar 11 gola dhe ka nëntë asistime për Atleticon këtë sezon.