Denver Nuggets ka shënuar fitore 120:111 ndaj Minnesota Timberwolvesit dhe është vetëm një ndeshje larg arritjes në gjysmëfinale të Konferencës së Perëndimit.
Denveri që ishte në krye të konferencës perëndimore, tani ka epërsi 3:0 në serinë e raundit të parë të plejofit.
Asnjë skuadër nuk ka arritur që ta kthejë epërsinë e serisë kur ka qenë duke humbur në tri ndeshjet e para.
Por skuadra e Timberwolvesit duhet të fitojë të dielën, në mënyrë që të ketë shansin për t’ia arritur një gjëje të tillë.
Në Konferencën e Lindjes, Trae Young me 32 pikë ishte më i dalluari në fitoren e Atlanta Hawksit kundër Boston Celtics, 130:122.
Jayson Tatum i cili realizoi 29 pikë, e pati shansin ta barazonte rezultatin kur kishin mbetur edhe 58 sekonda, por nuk ishte i saktë nga vija për tri pikë.
Edhe
Boston Celtics një fitore larg finales së madhe
Ndërkohë, New York Knicks tani ka epërsi 2:1 përballë Cleveland Cavaliersit. Neë Yorku në ndeshjen e fundit realizoi fitore me rezultatin 99:79.
“Kalorësit” u bënë skuadra e parë në këtë sezon të ligës NBA që shënojnë më pak se 80 pikë.
