Antonio Conte do të mbetet trajner i Tottenhamit edhe për sezonin tjetër.
Pati shumë dyshime rreth të ardhmes së tij, pavarësisht se Tottenhami u kualifikua në Ligën e Kampionëve.
Conte e ka takuar drejtorin Fabio Paratici në Itali të premten, dhe e ka rikonfirmuar përkushtimin e tij ndaj klubit, ka shkruar të premten “BBC”.
Mbetet të shihet nëse Conte do të vendos ta vazhdojë kontratën.
Kontrata aktuale e Contes skadon në vitin 2023, ndërsa e ka mundësinë ta vazhdojë atë edhe për 12-të muaj tjerë.
Conte u emërua trajner i Tottenhamit në muajin nëntor dhe e udhëhoqi skuadrën drejt vendit të katërt në Premier League.
