Chelsea ka shfrytëzuar opsionin për të vazhduar kontratën me Olivier Giroudin deri në vitin 2021.
Kjo është bërë e ditur të premten nga media të ndryshme.
Sulmuesi francez do të mbetej lojtar i lirë në verë, por tani pritet të qëndrojë te skuadra londineze deri në verën e vitit të ardhshëm.
Ishte e hapur mundësia që Giroud (33) të largohej në janar, por Chelsea nuk gjeti zëvendësim. Për sulmuesin francez ishin interesuar skuadra si Inter e Lazio.
Sky Sport Italia ka raportuar se Chelsea ka vendosur të mbajë Giroudin edhe për një vit tjetër.
