Skuadra e Chelseat po tenton transferimin e sulmuesit Neymar në afatin kalimtar të janarit, ka njoftuar të premten “The Sun”.
Bëhet e ditur se londinezët tashmë janë takuar me agjentin e Neymarit dhe braziliani është i gatshëm apër ta vazhduar karrierën në Angli.
Neymari aktualisht është pjesë e Paris Saint-Germainit, ekip me të cilin ka kontratë deri në vitin 2025 me opsionin e vazhdimit edhe për një vit tjetër.
Te Chelsea po bëjnë gati ofertën për ta bindur Parisin në lirimin e Neymarit në fillim të vitit të ardhshëm.
Neymari po shihet si përforcim i madh te Chelsea dhe londinezët do ta bëjnë të pamundurën për transferimin e tij.
Ai është pjesë e Parisit prej vitit 2017, kurse këtë edicion ka shënuar 17 gola dhe ka bërë 13 asistime në të gjitha garat.