Chelsea ka bërë gati ofertën për mesfushorin e Juventusit, francezin Adrien Rabiot. Lajmi është bërë i ditur të enjten nga “Daily Mail”.
Mësohet se londinezët janë gati të ofrojnë rreth 20 milionë euro për transferimin e Rabiotit gjatë kësaj vere.
Te Juventusi nuk llogaritin në 27-vjeçarin, i cili nuk ka bindur me paraqitjet e tij në tri sezonet e fundit.
Edhe Rabiot është i gatshëm të largohet nga Juventusi, ekip me të cilin ka kontratë deri në verën e vitit të ardhshëm.
Ai po kërkohet edhe nga Newcastle Unitedi e Arsenali.
